Хоцрогдсон Орос Ардчилсан Монголыг гүйцэх үү?

ИГОРЬ ЭЙДМАН

Европын Монгол ба хоцрогдсон Орос. Оросыг хэзээ ч ардчилсан системтэй болж чадахгүй, Азийн орон гэж олон хүн ярьдаг. Гэхдээ хүмүүс ээ, та бүхэнд хэлэхэд жинхэнэ ардчилсан Азийн орон гэж байдаг юм. Энэ бол Монгол. Оросоос хамаагүй илүү ардчилсан, Оросын дэргэд Европын орон гэж хэлэхэд болохоор улс.

Монголд Засгийн газар нь жинхэнэ сонгуулийн үр дүнд солигддог болохоор сонгогчдын ашиг сонирхлыг тооцож үзэхгүй бол болдоггүй.

Германы Берлин хотын сэтгүүлч Mario Bandi “Монголын бүх иргэн өнгөрсөн жилээс тог цахилгаан, дулаан, усны төлбөрөөс чөлөөлөгдсөн. Улсаас нүүрс, зэс зэрэг байгалийн баялгийн ашгаараа энэ бүх мөнгийг төлж байгаа. Монголд жагсагчдыг зодоод цохиод байдаггүй. Шүүх нь хэн нэгний эрхэнд биш чөлөөт бөгөөд сонгууль болоход хэн Ерөнхийлөгч болохыг урьдчилан мэдэх арга байхгүй” гэж бичжээ.

Оросуудын хувьд хэзээ ч бүтэхгүй зүйл мэт санагдаж байгаа зүйлс Монголд өдөр тутмын бодит байдал.

Эрх чөлөөт ямар ч орон ижил хүйстэн болон элдэв танихгүй, мэдэхгүй зүйлээсээ айж эмээдэггүй, элэнц хуланцынхаа элэгдэж зэвэрсэн ёс, энэ тэр гэж давтаад байдаггүй. Одоо Улаанбаатарт Берлинтэй л нэгэн адил Тэгш эрх, бахархлын өдрүүд явагдаж байна. Mario Bandi-гийн бичсэнээр энэ зурагт хуудас Улаанбаатарт ГХЯ-ны дэргэд байгаа гэнэ. Хэн ч уурлаж хилэгнээгүй, гомдол тавиагүй.

Монголд Оросынх шиг овгийн бүдүүлэг ёс заншил байхгүй, өөрийн Милонов, Гундяевууд үгүй. Монгол бол Путины феодалын гүрэнтэй харьцуулахад дэвшилтэт, тэргүүний орон.

Орос улс Америктай пуужингийнхаа уртаар өрсөлдөх биш Монголтой ардчиллын түвшингээрээ, ард иргэддээ хандах хандлага, эрх чөлөөгөөрөө өрсөлдөхөөр оролдох хэрэгтэй. Гэхдээ хэзээ ч гүйцэхгүй байх гэж би бодож байна.