ЯПОН I 2 сая хүнийг нүүлгэн шилжүүлж байна

Номхон далайд өнгөрсөн лхагва гарагт үүссэн "Нанмадол" хар салхи Японы Кюүшү арлыг чиглэж байгаа билээ.

Япон улс өмнө нь зарлаж байгаагүй онцгой түгшүүр зарлаж, баруун өмнөд хэсэгт хоёр сая хүнийг нүүлгэн шилжүүлж эхэлжээ.

NHK телевизийн мэдээлснээр, хар салхи Кюүшү арлын өмнөд хэсэг, ялангуяа Кагошима мужийг дайран өнгөрөх төлөвтэй байгаа аж. Одоо эргийн Миязаки, Кагошима, Амакүса хотуудын нэг сая орчим оршин суугчийг нүүлгэн шилжүүлж байгаа гэнэ.

Нишиноомотэ хотод гамшгаас урьдчилан сэргийлэх хамгийн дээд түвшний аюулын дохио асжээ.

Мөн "Japan Airlines" болон "All Nippon Airways" компаниуд Японд газардах болон хөөрөх 335 нислэгээ цуцалсан байна.