Ерөнхийлөгч, Ерөнхий сайдын тэтгэлгээр гадаадад суралцах боломж

2023 оны 03 сарын 30

Монгол Улсын Ерөнхийлөгч, Ерөнхий сайдын тэтгэлгээр гадаадын их, дээд сургуульд суралцах боломжийг Боловсрол, шинжлэх ухааны сайд танилцууллаа.


ЕРӨНХИЙЛӨГЧИЙН ИЛГЭЭЛТ 2100 ХӨТӨЛБӨР

"Ерөнхийлөгчийн илгээлт 2100" хөтөлбөр 2 дахь жилдээ хэрэгжинэ. Сум, хороо  бүрээс Элсэлтийн ерөнхий шалгалтад хамгийн өндөр авсан 1 сурагчийг шалгаруулж хэлний бэлтгэлд хамруулна.

1 жил хэлний бэлтгэлд хамрагдсан сурагчид гадаадын их дээд сургуульд бакалаврын түвшинд суралцах юм. Эхний жилийн хөтөлбөрийн хүрээнд 200 гаруй оюутан 13 улсад суралцаж байна.

ЕРӨНХИЙ САЙДЫН ТЭТГЭЛЭГ

Ерөнхий сайдын тэтгэлэг мөн 2 дахь жилдээ зарлагдаад байна. Магистр докторын түвшинд 50 хүртэл оюутан, бакалаврын  /дотоодын сургуульд/ түвшинд 50 хүртэлх оюутныг сургана.

Тухайн суралцагч:

- Хэлний онооны болзол хангасан байна

- Дэлхийн шилдэг сургуулийн урилгатай байх

- Тэтгэлгийн тодорхой хувийг тухайн сургуулиас олгох баталгаа гаргасан байх,

- Тэргүүлэх мэргэжлээр суралцах гэсэн үндсэн шалгууртай.

Дэлгэрэнгүй мэдээллийг https://www.shinemyangan.mn/ сайтнаас авч, бүртгүүлэх боломжтой.

Дэлхийн шилдэг 50 сургуульд элсэгч өмнө нь дэлхийн шилдэг 100 сургуулийн аль нэгд тэнцсэн тохиолдолд зээл, тэтгэлэг хамруулдаг байсан бол шинэчилсэн журмаар ТОП 50 сургуулийн үндсэн ангид элсэх урилгаа авсан оюутнуудыг тэтгэлэгт хамруулна.

МЭДЭЭЛЛИЙН ДЭЛГЭРЭНГҮЙ

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ээж(150.129.140.138) 2023 оны 03 сарын 30

Манай хүүхэд болзол 100 хангасан байж олдохгүйээ ингэж цагаа үрээд яахав бие даалтаа хийх минь гэнээ бараг л үнэн байхшүү

0  |  0
Top