ӨГЛӨӨНИЙ МЭНД!
Өнөөдөр 2023.10.19. Билгийн тооллын 5. Монгол эх оронд маань нар 07 цаг 17 минутад мандлаа, 17 цаг 58 минутад жаргана.
Улаанбаатар хотод багавтар үүлтэй. Өдөртөө 6 хэм, шөнөдөө -5 хэм. Та хувцсаа тохируулж өмсөөд гараарай.
Өнөөдөр Албанид Тереза эхийн өдөр.
Энэ өдөр Английн зохиолч Жон Ле Карре, Америкийн жүжигчин, Алтан бөмбөрцөгийн хоёр удаагийн шагналт Жон Литгоу, “Эмми”, “Грэмми”-гийн шагналт Трей Паркер, Мексикийн жүжигчин, дуучин Вероника Кастро, Шведийн жүжигчин Ребекка Фергюсон зэрэг алдартан мэндэлжээ.
Энэ өдөр Монгол Улсын түүхэнд болсон онцлох үйл явдал:
2000 оны энэ өдөр БНХАУ-аас Монгол Улсад суугаа Элчин сайд Хуан Зякуй БНХАУ-ын Засгийн газраас Монгол Улсад нийт 1.000.000.000 юанийн хөнгөлөлттэй зээл дахин олгохоор болсныг мэдэгджээ. Уг зээлийг Монгол Улс “Төмөртийн хүдрийн уурхай” нээхэд ашиглахаар тогтжээ.
Энэ өдөр дэлхий дахинд болсон онцлох үйл явдлууд:
1944 оны энэ өдөр Марлон Брандо Бродвейн тайзан дээр дебют хийжээ.
1957 оны энэ өдөр ХБНГУ-ын Засгийн газар Югославтай дипломат харилцаагаа тасалсан байна.
2000 оны энэ өдөр Нью-Йоркт алдарт Мадам Тюссо музейн салбар нээгджээ.
2002 оны энэ өдөр Ирландын оршин суугчид бүх нийтийн санал асуулгад Европын Холбоонд нэгдэхийн төлөө санал өгөв.
Мөн оны энэ өдөр Туркменистанд Ерөнхийлөгч Сапармурат Ниязовын ард түмнийхээ оюуны өвийг судалж бичсэн “Рухнама” номын ойг тэмдэглэжээ.
Өнөөдөр үс засуулвал Эд мал арвижна.
Эл өдөр бар, морь жилтнээ аливаа үйлийг хийхэд эерэг сайн бол үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, хүүхэд үрчлэн авах, гэр, байшингийн суурь тавихад сайн. Харин нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай.
Хол газар явах бол хойш мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )