П.Анужингийн нөхөр харь нутгийн гоо бүсгүйд сэтгэл алдарчээ

Ардын уран зохиолч Б.Лхагвасүрэнгийн далбаан дор хөтлөгч хэмээх эрхэм “цол”-ыг авсан П.Анужин “Херо”-ийн Б.Баатартай нэр холбогдож улмаар айлын гэр үймүүлсэн хэргийг намтартаа нэмсэн. Харин “Херо”Б.Баатар ч үгүй, А.Эрдэнэбат ч үгүй хоосон хоцорч өвдгөө тэвэрч суугаа гэнэ. Ёстой л байнд ч үгүй, банзанд ч үгүй гэдэг л болоод байгаа аж. Харин торгонд ороож, тосонд умбуулж байсан гэргийгээ Б.Баатарт алдсан А.Эрдэнэбат хэсэгхэн хугацаанд “один”-оороо байсан нь эхнэрээ эргэхийг хүлээсэн биз. Харин өдгөө сэтгэл шуударч дахин амьдрал зохиож байгаа аж. Хөрөнгөлөг энэ эрхмийг ганцаараа амьдарч байгааг мэдсэн бүсгүйчүүд өдөөн хатгасан мессэж чулуудаж чамгүй эргүүлдэг ч А.Эрдэнэбат харь бүсгүйг сонгосон гэнэ. Тэрбээр хойт хөршөөс  хус шигээ гоолиг, цэнхэр нүдэн бүсгүйг эх орондоо авчран ойр дотны нөхдүүдээ танилцуулсан гэх мэдээллийг ойрынх нь хүн “Хүнд битгий хэлээрэй” хэмээн хэлж орхижээ. Үзэсгэлэнт бүсгүйг өөрийн болгосон тэрбээр элдэв нэвтрүүлэг болон хүмүүсийг ивээн тэтгэхээ больж сайхан эхнэрээ эрхлүүлсэн шигээ нам гүмхэн амьдарч байгаа гэнэ дээ.

А.Одон