Ажил хаясан автобус компаниудыг шалгана

“Улаанбаатар смарт карт” компанийнхан орлогыг дутуу хуваарилж байна хэмээн мэдэгдэж, нийтийн тээврийн үйлчилгээ эрхэлдэг хувийн хэвшлийн компаниуд ажил хаялт зарласан. Энэ асуудлаар өнөөдөр Нийслэлийн удирдах зөвлөл авч хэлэлцлээ.

Хуралдаанаар Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөрөөр ахлуулсан нийслэлийн Мэргэжлийн хяналтын газар, Улаанбаатар хотын цагдаагийн газар хамтарсан ажлын хэсэг гаргаж, ажил хаясан компаниудад шалгалт оруулахаар боллоо.

Нийслэлийн удирдах зөвлөлийн хуралдаанаар ажил хаясан компаниудыг “шантааж” хийх зорилгоор ажил хаясан гэж үзэж байна.