“Хаадын гэр” ХХК бүтээгдэхүүнээ танилцууллаа

Монголчууд бид дэлхийн хаана ч дахин давтагдашгүй өв соёлтой улс. Иймээс бидний өвөг дээдсийн эдэлж хэрэглэж байсан эд зүйлс, уламжлалт хэв шинж нь гаднынхны төдийгүй монголчуудын сонирхлыг ч ихэд татдаг. Харамсалтай нь, цаг хугацаа өнгөрөхийн хэрээр үндэсний уламжлалт хэв шинж алдагдаж, бүх зүйл орчин цагийн гэх хавтгай чиг хандлагатай болсон. Эрээн авдар, эсгий эдлэл гэх мэт монголчуудын эртнээс эдэлж хэрэглэж байсан онцлог эд хогшил, хувцас сэлт тэр бүр таарах нь ховор. Иймээс түүхэн хэв шинжийг хүсдэг олон нийтийн эрэлт дээр үндэслэн уламжлалт байдлыг орчин цагийн хэрэглээнд нийцүүлж “Хаадын гэр” компани үйлдвэрлэх болжээ. “Хаадын гэр” компани 2014 оноос хойш энэ төрлийн өвөрмөц, тансаг бүтээгдэхүүн үйлдвэрлэж иржээ.

“Хаадын гэр”-ийнхэн гадаадын зочдодоо зориулж үзэсгэлэнгээ нээсэн юм.   

УЛАМЖЛАЛТ ХЭВ ШИНЖ ОРЧИН ЦАГТ ЭРГЭН ИРЖЭЭ

“ХААДЫН ГЭР”-ээс боловсруулан гарсан бүтээл бүр 100 хувь байгалийн гаралтай. Өөрөөр хэлбэл, бүтээгдэхүүний гол түүхий эд нь мод, ноос, шавар юм. Мөн урчууд, уран бүтээлчдийнх нь сэтгэл оюун, ур ухаанаа шингээн урладаг бүтээл нь 100 хувь гар аргаар хийдэг нь онцлог байлаа.

“ХААДЫН ГЭР”-ИЙН БҮТЭЭГДЭХҮҮНИЙГ 100 ХУВЬ ЭКО ХЭМЭЭН ҮНЭЛЖ БАЙНА

“Хаадын гэр” ХХК нь түүхэн, уламжлалт, орчин цагийн гэсэн цаг хугацааны хэмжүүрт тохируулан таны хүссэн өнгө загвараар захиалгын дагуу хийж өгдөг байна. Хэдэн арван жил ч үнэ цэнээ алдахгүй өвөрмөц хэв загвартай эдгээр бүтээлийн жил өнгөрөх тусам өснө гэж уран бүтээлчид нь дүгнэж байлаа. Цор ганц дахин давтагдашгүй содон тансаг хэв загвартай тус компанийн бүтээгдэхүүн бүр гадаад зочдын гайхшралыг төрүүлж байсан юм.