Монголчуудын нэрийг барьсан дээрмийн бүлэглэлийг АНУ-д баривчилжээ

АНУ-ын Калифорни мужийн Фресно хотод хүний амь хороосон гэх үндэслэлээр “Монголын хөвгүүд” нэртэй дээрмийн бүлэглэлийн зургаан гишүүнийг дайчлан баривчилсан байна.

Голцуу Зүүн Өмнөд Азийн улс орнуудын гишүүдтэй дээрх дээрмийн бүлэглэл 2019 оны арваннэгдүгээр сард гэрийнхээ арын цэцэрлэгт Амегрик хөлбөмбөгийн тэмцээн үзэж байх үеэр зэвсэглэсэн этгээдүүд халдаж, улмаар дөрвөн хүний амь нас хохирсон билээ. 

Дээрх гэмт хэрэг Сан Франциско хотоос зүүн өмнө зүгт 260 км зайтай орших нэгэн хотхонд болсон бөгөөд ах дүү Сионг автомат гар буугаар зогсоо, зайгүй буудаж эхэлсэн гэж гэрчүүд мэдүүлсэн байна.

Гэмт хэрэг үйлдсэн этгээдүүдийг эрэн сурвалжилж байгаад өнгөрсөн арванхоёрдугаар сарын 17-ны өдөр Билли Сионг гэгчийг баривчилжээ. Баривчлагдах үедээ дээрх этгээд хар тамхи зөөвөрлөж явсан бөгөөд 9мм-ийн хагас автомат гар бууг хураан авсан байна.

“Монголын хөвгүүд” гэх дээрмийн бүлэглэлийн өөр бусад дөрвөн гишүүнийг дээрх хэрэгт холбогдуулан дайчлан баривчилжээ. Дээрх бүлэглэл хүний наймаа, зэвсгийн наймаа, хар тамхины наймаа хийдэг байж болзошгүй гэж Фресно хотын цагдаагийн газраас мэдээлсэн байна.