Домогт жүдоч, ковидын эсрэг тэмцсэн эмч ПАУЛА ПАРЕТО

Автор | Zindaa.mn
2021 оны 07 сарын 26

Аргентины жүдоч, олимп, дэлхийн аварга Паула Парето Токиогийн олимпод оролцоод их спортоос зодог тайлж буйгаа зарлалаа. 

Жүдоч, мэс заслын эмч, 35 настай Паула Парето Токиогийн олимпод 48 кг-ийн жинд өрсөлдсөн бөгөөд эхний хоёр барилдаандаа ялж, хагас шигшээд Японы жүдоч Фүна Тонакид ялагдсан юм.

Парето зодог тайлж буйгаа зарлаад, “Токиогийн их олимпод оролцсон минь нэр төрийн хэрэг” хэмээн сэтгэгдлээ илэрхийлжээ.
 


Паула Парето 2008 оны Бээжингийн олимпын хүрэл, 2016 оны Риогийн олимпын наадмын алтан медальтай, дэлхийн жүдо бөхийн бахархал болсон тамирчдын нэг юм.


СЭТГЭЛ ХӨДӨЛГӨСӨН МӨЧ
 


Паулаг Токиогийн татами дээр ялагдал хүлээн, тэмцээнээ дуусгаад олимпын хотхондоо буцаж ирэхэд Аргентины баг тамирчид түүнийг алга ташин, гүн хүндэтгэлтэйгээр угтаж авсан юм. 

Тамирчин хүнийг баг хамт олон нь ялалт, ялагдалтай нь хамт хүлээн авч, хүндлэн, баяр хүргэж байгаа энэ мөч олны сэтгэлийг хөдөлгөв. 

Паула Парето “Сүүлчийн барилдаанаас буцаж ирэхэд надад маш том гэнэтийн бэлэг барьсан найзууддаа баярлалаа. Би хамгийн шилдэг багтай гэдгээ дахин мэдэрч байна! БАЯРЛАЛАА!” хэмээн өөрийн цахим хуудаснаа бичжээ.
 


Олимп, дэлхийн аварга жүдоч бүсгүй улсынхаа эмнэлэгт мэс заслын эмчээр ажилладаг бөгөөд олимпын өмнөх коронавирусний цар тахлын үеүдэд Паула улаан бүсэд хүртэл ажиллажээ.
 


Хаа сайгүй спортын тэмцээн, уралдааныг цуцалж, хойшлуулж байсан үед Паула амрахын оронд ковидын эсрэг тэмцэлд тэргүүн эгнээнд ажиллаж, тусламж хэрэгтэй байгаа хүмүүст анхаарал хандуулж байсан юм. 

Спортын өрсөлдөгчтэй биш үл үзэгдэх вирус гэх дайсантай тэмцсэн тамирчин бүсгүйг олон улсын хэвлэлүүд ковидын эсрэг тэмцсэн зоригтнуудын нэгээр нэрлэсээр байна. 
 


Паула Парето 1986 оны нэгдүгээр сарын 16-нд Буэнос-Айресын Сан-Фернандод төрсөн бөгөөд улсынхаа жүдо бөхийн түүхэнд анх удаа олимпын наадмаас алтан медаль хүртсэн эмэгтэй тамирчин.

Жүдоч бүсгүй Буэнос-Айресын хойд хэсгийн Сан Исидро эмнэлэгт мэс засалчаар ажилладаг ч шаардлагатай үед цар тахлын эсрэг тэмцсэн хатан зоригтон.

Аргентины спортын домог болсон бүсгүй одоо мэс засалчийн ажилдаа өөрийгөө бүрэн зориулна гэдгээ илэрхийлэн, их спортоосоо буцаж байна. Баярлалаа, Парето.
 

 

 

Сэтгэгдэл ( 13 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (202.126.88.134)  2021 оны 07 сарын 30

Үнэхээр гайхалтай агуу тамирчин ,,,Монголд минь ийм тамирчин олон олон төрөх болтугай

1  |  0
Zaraanaa  (172.107.248.10)  2021 оны 07 сарын 30

Mundag uneheer mundag yumaa

2  |  0
so (202.179.21.233)  2021 оны 07 сарын 30

mundag bna daa,norvegiin hul bumbugiin bag dan sain duriihan murtluu delhiin avargad orj bsan hun hobbygoo hugjuuleh gej ene bh daa

1  |  0
Зочин (59.153.86.11)  2021 оны 07 сарын 30

Ийм эмчийн гарт очсон өвчтөн сурагаар нь эдгэх юм байна.

12  |  0
ааа (66.181.161.103)  2021 оны 07 сарын 27

❤❤❤❤

1  |  0
ааа (66.181.161.103)  2021 оны 07 сарын 27

❤❤❤❤

2  |  0
Эрдэнэбат Хөвсгөл (202.126.90.35)  2021 оны 07 сарын 28

Хайр юм аа. Жинхэнэ эх орон ард түмний охин.

3  |  0
Мөнхөө (202.126.89.23)  2021 оны 07 сарын 28

Хүний хүүхэд олимпийн аврага болчихоод хүн эмчилэх, манай хүүхэд хүн алах мөн таарч дээ

12  |  1
Зочин (202.126.89.178)  2021 оны 07 сарын 28

Дарь эх л юм даа. Гайхалтай бүсгүй. Эрүүл, хүчирхэг, оюунлаг бүтээлч урт наслахыг ерөөе.\n

8  |  1
Зочин (192.82.75.228)  2021 оны 07 сарын 27

Цэцэг бэлэглэх хүн байгаагүй нь жаахан тийм юмаа. … Бусдаар гоё л байна..

1  |  3
Зочин (59.153.87.165)  2021 оны 07 сарын 28

Гайхалтай юм. Спорт анагаах хоёрыг хослуулсан ховор чадвар юм даа.

10  |  2
Монгол банхар (202.126.90.158)  2021 оны 07 сарын 28

Агуу тамирчин зам мөр нь гэгээн байж урт наслаарай...

13  |  1
Темка  (66.181.161.20)  2021 оны 07 сарын 28

Гайхамшиг

17  |  0
Top