Арьсны өвчнөө нуугаагүй Кара Делевин ТАЛАРХАЛ хүлээв

Загвар өмсөгч Кара Делевин 2022 оны "Met Gala"-д хүрэлцэн ирэхдээ биеэ алтлаг өнгөөр будаж ирсэн нь олны анхаарлыг багагүй татсан. Тухайн өдөр ихэнх хүмүүс түүний алтлаг өнгийн биед анхаарлаа хандуулж байсан бол цөөн хүмүүс түүний бие дээрх улаан толбыг анзаарч харав. 

Энэ нь псориаз хэмээх арьсны нэг төрлийн өвчин бөгөөд тэрээр өвчнөө нуух гэж оролдолгүй, харин ч өвөрмөц аргаар олон нийтэд харуулсан нь хүмүүсийн талархлыг хүлээгээд байна. 

Тэрээр өвчнийхөө тухай 2015 онд өгсөн нэгэн ярилцлагадаа "Би псориаз гэх өвчин туссны дараа загвар өмсөгч хийхээ больсон. Хүмүүс үүнийг хараад тийм ч таатай ханддаггүй. Тэд бээлий өмсөж, надад хүрэхийг хүсэхгүй байх зэрэг хандлага гаргадаг" хэмээн ярьж байсан бөгөөд арьсны өвчнөө ийнхүү олон нийтэд ил тод харуулсан нь уг төрлийн өвчтэй бусад хүмүүст ч мөн эерэг нөлөө үзүүлж байгаа аж.