Махны ченжийн гар дамжаагүй өвлийн хүнс иргэдийн гарт хүргэгдэж байна

Б.Гантуяа | Zindaa.mn
2024 оны 12 сарын 09

Жил бүр уламжлал болгон явагддаг “Хүргэлт” нэгдсэн арга хэмжээ 2024 оны арванхоёрдугаар сарын 7-10-ны өдрүүдэд 5 дахь жилдээ зохион байгуулагдаж байна.

Энэ талаар Говь-Алтай аймгийн засаг дарга Г.Чинбат "Говь-Алтай аймгийн 18 сум, хоёр тосгоны иргэд болон Улаанбаатар хотод сурч буй оюутнуудын өвлийн хүнс хүргэгдэж ирлээ. Энэ удаагийн "Хүргэлт" арга хэмжээний хүрээнд 300 орчим тонн мах ченжийн гараар дамжилгүй ирлээ" гэлээ.

 

 

Түүнчлэн уг арга хэмжээг зохион байгуулахад улсын төсвөөс зардал гаргадаггүй бөгөөд орон нутгийн удирдлагуудын зүгээс махаа нийлүүлж буй малчин, тээвэрлэгч жолооч болон хэрэглэгчдийг холбож өгөх менежментийг зохион байгуулдаг гэдгийг Говь-Алтай аймгийн Засаг даргын орлогч М.Алтангэрэл онцоллоо.

 

 
Дашрамд дурдахад, Улаанбаатар хотын иргэд “Шимт богц” онлайн худалдааны сайт https://brand-altai.zochil.shop дамжуулан нутгийнхаа амт чанар сайтай махыг захиалан, хүргүүлж авах боломжтой юм байна. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top