Э.Бэхбаяр тавдугаар байрт шалгарлаа

Чөлөөт бөхийн ДАШТ Узбекстаны нийслэл Ташкент хотноо өчигдөр эхэлсэн. Эхний өдрийн барилдаанд манай бөхчүүдээс Э.Бэхбаяр 57 кг, Б.Анхбаяр 70 кг, О.Үйтүмэн 86 кг, Ж.Чулуунбат 125 кг-д хүч үзсэн юм. Э.Бэхбаяр шагналт тавдугаар байрт шалгарлаа. Манай бөх хүрэл медалийн төлөөх барилдаанд Беларусын бөх Владислав Андреевт ялагдлаа. Хоёр бөхийн барилдаан 1:1 харьцаагаар өндөрлөсөн бөгөөд сүүлийн оноог түүний өрсөлдөгч авсан тул энэ барилдаанд ялагч болсон юм.ДАШТ өнөөдөр эрэгтэйчүүдийн 61, 65, 74, 97 кг-ын жингийн барилдаанаар үргэлжилнэ.