Дэлхийн хүнсний өдөр өнөөдөр тохиож байна
1945 оны аравдугаар сарын 16-нд буюу одоогоос 69 жилийн тэртээ НҮБ-ын Хүнс,хөдөө аж ахуйн байгууллага анхны хурлаа хийж байгуулагдсан бөгөөд 1981 оноос эхлэн энэ өдрийг “Дэлхийн хүнсний өдөр” болгон тэмдэглэх болжээ.
Жил бүр энэ өдрийг өлсгөлөн, ядуурал, хоол тэжээлийн дутагдал, хомсдлыг бууруулах, хүнсний баталгаат болон аюулгүй байдлыг хангахад чиглэсэн төр, олон нийт, хамтын нөхөрлөлийн анхаарлыг хандуулах зорилт дор тэмдэглэх болсон. НҮБ-ын Ерөнхий Ассамблейгаас 2014 оныг “Өрхийн аж ахуйн олон улсын жил” хэмээн зарласантай холбогдуулж энэ өдрийг “Өрхийн аж ахуй нь эх дэлхийг тэжээж, шим ертөнцийг тэтгэнэ” гэсэн уриан дор дэлхий даяар тэмдэглэх юм.
Дэлхий дахинд өнөөдөр хөдөө аж ахуйн үйлдвэрлэл эрхэлдэг 570 сая аж ахуйн нэгж байдгийн 500 сая нь өрхийн аж ахуйн хэлбэрээр үйл ажиллагаа явуулдаг байна. Ази тивд гэхэд эдэлбэр газрын 85 хувийг үйлдвэрлэл эрхэлж, тивийнхээ хүн амын хүнсний хэрэгцээний 80 гаруй хувийг үйлдвэрлэж байна.
Манай улсад дээр дурдсан уриан дор “Дэлхийн хүнсний өдөр”-ийг НҮБ-ын ХХААБ-ын Монгол Улс дахь суурин төлөөлөгчийн газар, ҮХААЯ, Монголын ХАА-н хоршоологчдын үндэсний холбоо хамтран зохион байгуулж байна.
Сэтгэгдэл ( 0 )