”Windows 10” энэ зун гарна

Microsoft компани Windows 10 үйлдлийн системээ энэ зун гаргах гэнэ. Үүнийг Windows-ийн төслийн удирдагч Тэрри Майерсон өнөөдөр баталлаа. Түүний хэлснээр энэ зун Windows 10 нь дэлхийн 190 орны зах зээлд 111 хэл дээр гарахаар болжээ. Шинэ системийн хувьд Windows 7, Windows 8-ын хэрэглэгч нарт нэг жилийн хугацаанд үнэгүй upgrade хийх эрх олгож байгаа юм. Хятадын зах зээлд Microsoft Windows 10-аа нэвтрүүлэхдээ Хятадын Lenovo, Tencent компаниудтай хамтарч ажиллахаар болжээ. Lenovo компани Хятад даяар байрлах 2,500 үйлчилгээний цэгээрээ upgrade хийх үйлчилгээ үзүүлнэ. Харин Tencent нь өөрийн QQ зэрэг аппликэйшнүүдээрээ дамжуулан хэрэглэгчдэдээ Windows 10-ыг санал болгох аж. Ингэх болсон шалтгаан нь Microsoft хууль бус хуулалтаас сэргийлэхэд анхаарал тавьж байгаа нэг хэлбэр гэнэ. Мөн энэ удаа хууль бус хувилбар суулгасан компьютеруудад ч бас шинэ системийн upgrade хийгдэхээрээ онцлог болж байна.