Дарс уусныхаа дараа шоколад ид
Дарс болон шоколад нь хүний тархины үйл ажиллагаанд сайнаар нөлөөлдөг болохыг Их Британи дахь Нортумбрын их сургуулийн эрдэмтэд тогтоожээ. Хар шоколаданд полифенол буюу судсыг тэлж, тархины цусан хангамжийг сайжруулдаг ургамлаас гарган авсан химийн бэлдмэлүүд агуулагддаг байна. Полифенолын бусад төрлийг цусанд оруулахын тулд дарс уусныхаа дараа шоколад идэх нь илүү ашигтай гэж Британийн эрдэмтэд үзэж байгаа ажээ.
Дарс болон шоколад нь тархины үйл ажиллагаанд сайнаар нөлөөлдөг болохыг эрдэмтэд тусгай тестийн тусламжтайгаар нотолсон байна. Судалгаанд сайн дураараа оролцсон хүмүүст ресвератрол буюу улаан усан үзэмний яс болон хальсны нэгдэл бүхий капсулыг уулгажээ. Капсулыг уусны дараа тархины цусан хангамж мэдэгдэхүйц сайжирч, уг судалгаанд хамрагдсан хижээл насны хүмүүс арифметикийн сорилыг хялбархан гүйцэтгэж байсан нь үүний нотолгоо юм.
Аяга халуун шоколад уусны дараа тоог маш сайн бодож байсан нь давтан судалгааны дүнд нотлогдсон байна. Түүнээс гадна судалгаанд оролцогсод арифметикийн нэлээд хүнд бодлого бодсоныхоо дараа ядрахыг мэдрээгүй гэнэ.
Zindaa.mn
Холбоотой мэдээ
Сэтгэгдэл ( 0 )