24 ЦАГТ: 1811 тохиолдол нэмэгдэж, 15 хүн нас барлаа

Эрүүл мэндийн яамнаас өгсөн коронавирусний халдварын нөхцөл байдлын талаарх өнөөдрийн ээлжит мэдээллийг хүргэж байна.

(2021.06.28, 11:00 цаг)

Сүүлийн 24 цагт 10 мянга гаруй хүнд шинжилгээ хийхэд коронавируст халдварын 1811 шинэ тохиолдол бүртгэгдлээ. Ингэснээр Монгол Улсын хэмжээнд нийт халдварын тоо 111.505 болж байна.

Шинээр бүртгэгдсэн тохиолдлыг задалбал
 

• Эмнэлгээс шалтгаалах-5 (Нийт 216)
• Улаанбаатарт - 983 (Нийт 87.592)
• Орон нутагт - 823 (Нийт 23.094)

Сүүлийн 24 цагийн хугацаанд 38-83 насны 15 хүн нас барж, улсын хэмжээнд нийт нас барсан хүний тоо 533 боллоо.

Ковидын нэн хүнд хэлбэрээр нас барсан хүмүүс нь ковид-19 өвчнөөс гадна амьсгалын замын архаг дутмагшил, эмнэлгийн бус орчинд уушгинд үүссэн хоёр талын хатгалгаа, бусад эрхтний дутагдал, артерийн даралт нь өндөр, зүрх судасны архаг дутагдал, элэг, бөөрний хавдар зэрэг үндсэн архаг суурь өвчин хавсарсан хэлбэрээр нас барсан байна.

Ковидын нэн хүнд хэлбэрээр нас барсан иргэдийн тухайд
 

• 38-40 настай- 2 хүн, 3-24 хоног эмчлэгдсэн
• 41-50 настай-1 хүн, 7 хоног эмчлэгдсэн
• 51-60 настай-2 хүн, 11-12 хоног эмчлэгдсэн
• 61-70 настай-5 хүн, 10-22 хоног эмчлэгдсэн
• 71-79 настай-2 хүн, 12-21 хоног эмчлэгдсэн
• 80-аас дээш настай-3 хүн, 9-16 хоног эмчлэгдсэн

Харин энэ хугацаанд эмнэлгээс 574, гэрийн хяналтаас 260 нийт 834 хүн эдгэрлээ. Ингэснээр улсын хэмжээнд нийт эдгэрсэн хүний тоо 70.732 болж байна.

Өнөөдрийн байдлаар эмнэлэгт 14.189 хүн хэвтэн эмчлүүлж байна.

Үүнээс,
 

• Хөнгөн - 9463
• Хүндэвтэр - 3365
• Хүнд - 1097
• Маш хүнд - 264

Харин гэрийн хяналтад 25.968 хүн хөнгөн хэлбэрийн оноштойгоор гэртээ өрхийн эмнэлгийн хяналтанд байна.