Жонни Деппийн ялалтыг харсан Брэд Питт шүүхэд хандлаа

Гэр бүлийн хүчирхийллийн хэргээр Шүүхэд ялалт байгуулсан жүжигчин Жонни Деппийн үлгэр жишээ дэлхийд шударга ёс гэж байдгийг харуулсан. Энэ нь түүний багын найз Брэд Питтэд тун их урам зориг өгчээ. Брэд Жонни хоёр багаасаа найзалж байсан ч 2010 онд “Жуулчин” кинонд Анжелина Жоли, Жонни Депп нар хамтран тоглосны дараа хардалтын улмаас тангараг тасарсан юм. Тэр үед шар хэвлэлүүд Жоли, Депп нарыг учир ургуулсан хэмээн бичиж байв. Гэхдээ тэд 2020 онд эвлэрсэн. Хоёулаа гэр бүл салж, Брэд одоо болтол Анжелинатай эд хөрөнгийн маргаан хийж байгаа бол Депп шүүх дээр арай ядан Амбер Хердээс мултарсан, зовлон нэгт андууд.

Ийнхүү Деппийн ялгуусан ялалтын дараа Брэд Питт эхнэр асан Анжелина Жолигийн эсрэг шинэ зарга үүсгэлээ. Зоригтой гэгч эхэлсэн шинэ өргөдөлд “Анжелина Жоли санаатайгаар бизнесийн ажилд нь хор хохирол учруулж байна” гэж бичжээ.

Мөн “2008 онд хамтран эхэлсэн Miraval дарсны бизнест Жоли юу ч хийгээгүй, ашиг хүртээд сууж байсан. Бид эзэмшиж байгаа хувиа хэзээ ч зарахгүй гэж тохиролцсон байсан ч Жоли намайг хорлох санаатайгаар өөрийн хувиа SPI Group-т зарсан. Тус группийн эзэн Юрий Шефлерт бизнесийн мэдээллээ өгч байсан” гэж мэдэгдсэн байна. Одоогоор хэдий хэмжээний мөнгө нэхэмжилж байгаа нь тодорхойгүй байна.