Эштон Катчер харах, сонсох, алхах чадвараа АЛДЖЭЭ

Жүжигчин Эштон Катчер аутоиммун эмгэгийн улмаас харах, сонсох, алхах чадвараа алдсан тухайгаа мэдээлжээ. 

44 настай тэрээр "Би хоёр жилийн өмнө маш ховор төрлийн васкулиттай гэдгээ мэдсэн. Энэ нь миний хараа, сонсгол, бүх тэнцвэрийг алдагдуулсан" хэмээн саяхан өгсөн ярилцлагадаа дурджээ. 

Түүний бүх мэдрэхүйг сэргээхэд ойролцоогоор нэг жил орчмын хугацаа зарцуулагджээ.

Мэдрэмжээ алдсан тухайгаа "Хүн алга болох хүртэл нь ямар үнэ цэнтэй зүйл болохыг нь мэддэггүй юм билээ. Би хэзээ алхах, хэзээ харж чадах эсэхээ мэдэхгүй байсан. Дахиж сонсох эсэхээ ч мэдэхгүй. Би амьд байгаадаа л баярлаж байсан" гэжээ. 

Хэвийн амьдралдаа эргэн орж байгаа тэрээр эхнэр Мила Кунис болон хоёр хүүхдийн хамтаар амьдарч буй. Амьдралд нь тохиолдсон энэхүү өөрчлөлт түүний амжилтад ямар ч нөлөө үзүүлэхгүй хэмээн мэдэгджээ.