Агаарын бохирдол бууруулах технологи нэвтрүүлж буй ААН-үүд уулзжээ

2023 оны 01 сарын 10

Эрчим хүч хэмнэх, агаар, орчны бохирдлыг бууруулах технологи нэвтрүүлж буй олон улсын төсөл хөтөлбөр, аж ахуй нэгжүүдтэй өчигдөр /2023.01.09/ мэдээлэл солилцох уулзалт хийлээ.

Уулзалтад БОАЖ-ын сайд Б.Бат-Эрдэнэ, сайдын зөвлөх О.Одбаяр, БОАЖЯ-ны Ногоон хөгжлийн бодлого, төлөвлөлтийн газрын дарга Б.Буяннэмэх болон олон улсын байгууллагын төлөөлөл агаар орчныг бууруулах чиглэлд хэрэгжүүлж буй төсөл хөтөлбөрийн танилцуулга, явцын тухай доорх байдлаар мэдээлэл хийлээ.

Үүнд:

-Эрчим хүчний зохицуулах хороо - Эрчим хүчний хэмнэлт, агаарын бохирдлыг бууруулах чиглэлээр 2023 онд хэрэгжүүлэх арга хэмжээ, бодлого чиглэл;

-Орчны бохирдлыг бууруулах үндэсний хороо - Агаар, орчны бохирдлыг бууруулах чиглэлээр 2023 онд хэрэгжүүлэх арга хэмжээ, бодлого чиглэл;

-Монгол банк, ТоС холбоо, банкууд - Ногоон санхүүжилт ба ногоон зээлийн хүртээмжийг нэмэгдүүлэх, түүнд чиглэсэн бодлого, хэрэгжилтийг сайжруулахад анхаарах асуудлууд;

-Даян дэлхийн байгаль хамгаалах институт (GGGI) - Дулаан хангамжийн загвар төсөл (газрын гүний дулаан);

-Азийн хөгжлийн банк - 10,000 айлын орон сууц хөтөлбөр;

-АНУ-ын Олон улсын хөгжлийн агентлаг (USAID) - Эрчим хүчний салбарын чадавхийг бэхжүүлэх үйл ажиллагаа;

-Германы хамтын ажиллагааны нийгэмлэг (GIZ)“Улаанбаатар хотын угсармал орон сууцны эрчим хүчний үр ашгийг дээшлүүлэх нь” төсөл;

-ПИН олон улсын байгууллага - Өрхийн түвшинд агаарын бохирдлыг бууруулах чип багцын танилцуулга;

-Дэлхийн банк - “Цэвэр агаар” төсөл;

-Европын Холбооны Свич Эшиа хөтөлбөрийн санхүүжилттай Дулаан шийдэл II (2022 - 2026 - Гэр хорооллын байрны дулаан алдагдлыг бууруулах нь;

-Дэлхийн зөн олон улсын байгууллага - Эрчим хүчний хэмнэлттэй цогц байгууламжийн төслийн танилцуулга;

-Хамтарсан кредит олгох механизм (JCM) - Хөтөлбөрийн танилцуулга, хэрэгжсэн төслүүд;

-GERES олон улсын байгууллага - Байшингийн дулаалга;

-“Хайбрид хаус” ХХК - Монгол гэрийн халаалт дулаалгын шийдэл, Хабрид хаус төсөл;

-НҮБ Хүүхдийн сан (UNICEF) - Хэрэгжиж буй төслийн танилцуулга;

ЖАЙКА - Хэрэгжиж буй төслийн танилцуулга , мэдээлэл өгч, санал солилцлоо.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top