ӨГЛӨӨНИЙ МЭНД!
Өнөөдөр 2023.03.07. Энэ жилийн 66 дахь өдөр ба он дуустал 299 хоног үлдлээ.
Монгол эх оронд маань нар 07 цаг 22 минутад мандаж, 18 цаг 44 минутад жаргана.
Улаанбаатар хотод цэлмэг. Өдөртөө 4 хэм дулаан, шөнөдөө -6 хэм байна. Та хувцсаа тохируулж өмсөөд гараарай.
Өнөөдөр Алтанзул цэцгийн өдөр тохиож байгаа бол Албани Багш нарын баяр, АНУ Энх тайвны корпусын өдөр, Балба Фагу Пурнима буюу Хаврын баяр, Туркменистан Тээвэр, харилцаа холбооны ажилтнуудын өдөр, Ирак Сулейманиаг чөлөөлсөн өдрийг тэмдэглэж байна.
Энэ өдөр Шотландын Робин Худ гэгддэг Шотландын үндэсний баатар Роб Рой, Францын зохиолч Робер де Монтескью, ЗХУ-ын хошой Баатар, сансрын нисэгч Виктор Савиных, Францын хөлбөмбөгч Хатем Бен Арфа, Английн хөлбөмбөгч Жордан Ли Пикфорд, Америкийн жүжигчин Хейли Лу Ричардсон нар хорвоод мэндэлжээ.
Энэ өдөр дэлхий дахинд болсон онцлох үйл явдлаас танилцуулбал:
321 оны энэ өдөр Ромын эзэн хаан Агуу I Константины зарлигаар ням гарагийн амралтын өдөр болгов.
1637 онд Францын хаан XIV Луи Америкийн индианчуудад согтууруулах ундаа худалдахыг хоригложээ.
1960 оны энэ өдөр залуургүй салаар Номхон далайд 49 хоног ус, хоолны нөөцгүй явж байсан ЗХУ-ын дөрвөн цэргийг АНУ-ын цэргүүд олжээ.
1997 онд “Nature” сэтгүүл Шотландын эрдэмтэд Долли нэртэй хувилсан хонь гаргаж авсан тухай мэдээлэв.
1989 онд Салман Рушдигийн номтой холбоотой дуулианы улмаас Иран Их Британитай дипломат харилцаагаа тасалжээ.
2014 оны энэ өдөр Оросын Сочи хотноо XI паралимпын наадам эхэлжээ.
Үс шинээр үргээлгэх буюу засуулбал өлзийтэй сайн.
Өнөөдрийн ажилд тань амжилт хүсье.
Сэтгэгдэл ( 0 )