COP17 хурлын 12 түр байгууламжийн гадна барилга угсралтын ажил дуусжээ.

Цөлжилттэй тэмцэх тухай НҮБ-ын конвенцын Талуудын 17 дугаар бага хурал буюу COP17-ыг наймдугаар сарын 17-28-нд Улаанбаатар хотод зохион байгуулна.

Хурлын бэлтгэл ажлын хүрээнд цахилгаан, ус хангамж, ариутгах татуурга, шилэн кабелийн ажил бүрэн дуусаж, авто зам, зогсоолын ажил 80 хувь, дугуйн замын ажил 98 хувьтай үргэлжилж байна. Мөн гадна тохижилтын хүрээнд мод шилжүүлэн суулгах, шинээр мод тарих ажил хийгдэж байна.

COP17 хурлын 12 түр байгууламжийн гадна угсралтын ажил дууссан бөгөөд эдгээрийг нэгдсэн хуралдаан, албан хэлэлцээ, өндөр түвшний уулзалт, хэвлэл мэдээлэл, үзэсгэлэн болон үйлчилгээний зориулалтаар ашиглана.

Тус хуралд 196 орны 8000-10 мянга орчим зочид, төлөөлөгч оролцох төлөвтэй бөгөөд газрын доройтол, цөлжилт, бэлчээрийн тогтвортой менежмент, усны нөөц, уур амьсгалын өөрчлөлтөд дасан зохицох зэрэг асуудлыг хэлэлцэх олон улсын томоохон арга хэмжээ болох юм.