Цэцээ гүний амин модыг сэргээлээ

Байгаль орчин ногоон хөгжлийн яамныхан өнгөрсөн баасан гаригт Дархан цаазат Богдхан уулын ноён оргил Цэцээ гүний гол овооны Амин модыг сэргээсэн байна. Далайн төвшнөөс дээш 2258 метрт оршдог уг оргилд гарсан хүмүүс гол овооны Амин модноос хийморийн дар­цаг хийсгэж, сүү, цайны дээж өргөн, арц хүж уугиул­даг уламжлал тогтоод удаж байгаа юм. Ийнхүү уугиулж орхисон арцны цогноос үүдэлтэй­гээр гал гарч, гол овоо шатсан хэрэг одоогоос арваад хоногийн өмнө гар­чээ. Иймд овоог сэргээж, шинээр босгох үйлд Гандантэгчинлэн хий­дийн лам нар болон Богд­хан уулын дархан цаа­зат газрын хам­гаалалтын захиргааныхан, БОНХЯ-ны төлөөлөл оролцсон юм.