Нярай хүүхдээ хаясан эхийг цагдан хорьжээ

Дөнгөж төрсөн хүүхдээ гудамжинд хаяж, нас барахад хүргэсэн эмэгтэйг хуулийнхан олж тогтоосон.  Нярай хүүхдээ хаясан эмэгтэйг өнгөрөгч баасан гаригт урьдчилан хорих 461-р ангид хорьжээ. Тэрээр өнгөрсөн сарын 26-ны шөнө Сонгинохайрхан дүүргийн 3-р хорооны нутаг Бага нарангийн 42-р гудамжинд хүүхдээ орхиж явсан талаар бид мэдээллэж байсан. Тэгвэл нярайн эх Говь-Алтай аймгийн харьяат 19 настай бөгөөд тус дүүргийн нутаг дэвсгэрт дүр оршин суудаг нэгэн байжээ. Түүнд Монгол Улсын Эрүүгийн хуулийн тусгай ангийн 117.2-оор эрүү үүсгэн шалгаж байна.