Хөдөлмөрийн хөлсний доод хэмжээг яаралтай нэмэхийг шаардлаа

МҮЭХ-ноос хөдөлмөр, нийгмийн зөвшлийн гурван талт улсын хэлэлцээрээр тохирсон цалин хөлс, тэтгэвэр тэтгэмжийг нэмэгдүүлэх хэлэлцээрээ даруй хэрэгжүүлэхийг шаардлаа. 2015 оны улсын төсвийг хэлэлцэж байгаа энэ үед нийгмийн өнөөгийн нөхцөл байдалтай уялдуулан иргэдийн цалин, тэтгэвэр тэтгэмжийг бодитойгоор нэмэгдүүлэх, мөн хөдөлмөр эрхлэлт, амьжиргааг дээшлүүлэх чиглэлээр Засгийн газар хүргүүлсэн саналыг ажил хэрэгчээр дэмжин ажиллахыг УИХ-ын гишүүдээс дахин хүссэн байна.

Мөн энэ онд багтаан Хөдөлмөрийн хөлсний доод хэмжээг хоёр дахин нэмэгдүүлэх, улсын төсвийн хөрөнгөөр нийлүүлэх бараа бүтээгдэхүүн, ажил үйлчилгээний зардлын 0,3 хувийг ХАБЭА-н төсөвт суулгах саналыг бодитойгоор авч хэлэлцэн, дэмжиж ажиллахыг шаардаж байгаа юм.