Цагдаагийн байгууллага 86 дэслэгчээр бүл нэмлээ

Цагдаагийн ерөнхий газрын даргын 2014 оны 10-р сарын 08-ны өдрийн № 643 тоот тушаалаар Нийслэлийн дүүргүүд дэх цагдаагийн хэлтсийн мөрдөн байцаагч, хэрэг бүртгэгчийн ажлын ачааллыг тэнцвэржүүлэх зорилгоор орон тоог нь 86-н алба хаагчаар нэмэгдүүллээ.

Энэ ажлын хүрээнд энэ сарын 11-ний өдөр Цагдаагийн ерөнхий газрын даргын тушаалаар дүүрэг дэх цагдаагийн хэлтсүүдэд хэрэг бүртгэгч, мөрдөн байцаагчаар томилогдсон алба хаагчдад цагдаагийн дэслэгч цол олголоо.

 Хууль зүйн сайдын тушаалаар цагдаагийн төв байгууллагын бүтэц орон тоог цөөлж, ийнхүү дүүрэг дэх цагдаагийн хэлтсүүдэд нийт 86 орон тоог нэмэгдүүлснээр иргэдэд хүрч үйлчлэх хүртээмж сайжрах ач холбогдолтой юм.