Аргентин улсын Засгийн газар “Миллениал” литийн төсөлд татварын хөнгөлөлт үзүүллээ

Аргентин улсын Үндэсний уул уурхайн яам “Миллениал” литийн төсөлд зарим төрлийн татварын хөнгөлөлт үзүүлэх болсноо зарлалаа. Уул уурхайн бүтээгдэхүүн болон ус ашигласны төлбөрийг бууруулж, экспорт болон импортын татварын хөнгөлөлт үзүүлж байгаа аж. Ингэснээр ирэх 30 жил дээрх татварын хөнгөлөлт эдлэх юм.

Аргентин улсын Сальта мужийн баруун хойд хэсэгт байрлах “Миллениал” литийн төсөл нь нийт 8.6 мянган га талбайг эзлэн оршдог юм. Одоогоор “Миллениал” литийн төсөлд Канадын талаас 40 сая канад доллар зарцуулаад байгаа юм. “Миллениал” төслийг түшиглэн уурхайн кемпийг улам өргөжүүлж, усан цахилгаан станц барихаар төлөвлөж буй ажээ. Тус компанийн одоогийн хүчин чадал нь 150 мянган тонн боловсруулаагүй лит, 798 мянган тонн литийн йон олборлож байгаа билээ. Төслийн дунд хугацаанд энэ тоог 5-7 дахин нэмэгдүүлэх боломжтой гэж хөрөнгө оруулагч талаас үзэж байгаа юм.