“Дэлхийн түвшний менежер” сургалтын бүртгэл дуусахад 7 хоног үлдлээ

Админ | Zindaa.mn
2021 оны 08 сарын 05

Бизнес эрхлэгч эмэгтэйчүүдийг дэмжих, цар тахлын хүнд сорилтын үед нөхцөл байдалдаа тохируулан уян хатан шийдвэр гаргах, тасралтгүй суралцахад нь хувь нэмрээ оруулах зорилгоор ХААН Банк Жижиг дунд бизнесийг дэмжих төвөөрөө дамжуулан  бизнес эрхлэгч, захирал 75 эмэгтэйг ажил хэргээ амжилттай удирдах арга барил, манлайллын ур чадваруудыг  хөгжүүлэх “World Class Manager” буюу “Дэлхийн түвшний менежер” онлайн сургалтад үнэ төлбөргүй хамруулаад байгаа билээ. 

Тэгвэл энэ удаа бид бизнес эрхлэгч 120 гаруй эмэгтэйг энэхүү сургалтад хамруулан, бизнест нь мэдлэгийн хөрөнгө оруулалт хийхээр боллоо.    

Менежментийн шинэ арга барилд суралцах, бизнесийн удирдлагын чадваруудаа хөгжүүлэх чин хүсэлтэй бизнес эрхлэгч эмэгтэйчүүд та бүхнийг уг сургалтад хамрагдаж шинэлэг, үр дүнтэй, оновчтой шийдвэр гаргахад нөлөөлөхүйц мэдлэг туршлага хуримтлуулахыг урьж байна. 

1. Сургалтад хамрагдах хүмүүст тавигдах шаардлага:

 

  • Компанийн ерөнхий, эсвэл гүйцэтгэх захирал эмэгтэй байх;
  • Нийт ажилтны талаас илүү хувь нь эмэгтэй хүн байх;
  • Дунд түвшний удирдлага, менежерүүдийн олонх нь эмэгтэй байх;
  • Сургалтад хамрагдаж, өөрийн удирдах арга барилыг тасралтгүй хөгжүүлэх эрмэлзэлтэй байх;
  • Сургалтад цаг гаргах бүрэн боломжтой байх (7 хоногт 1 удаа цахимаар явагдана); 

 

2. Сургалтын бүртгэл 8-р сарын 13-ны өдрийг хүртэл үргэлжилнэ.  

 

  • Бүртгүүлэх холбоос: ЭНД дарж бүртгүүлнэ үү. 

 

3. Та сургалтын талаарх дэлгэрэнгүй мэдээллийг фэйсбүүк чатботод хандах болон ХААН Банкны и-мэйлээр  авах боломжтой:

 

  • KhanBank Chatbot – Үндсэн цэс – World class manager
  • E-mail: [email protected]   

 

Таны ирээдүйн зорилго бизнесийн амжилтын төлөө

Top