Дотуур байрын хүүхдийн хоолны зардлыг 4300₮ болгон нэмэгдүүллээ

Монгол Улсын Засгийн газрын 2022 оны арванхоёрдугаар сарын 28-ны өдрийн хуралдаанаар мэргэжлийн болон техникийн боловсролын сургалтын байгууллагын дотуур байр, ерөнхий боловсролын сургуулийн дотуур байрын нэг хүүхдийн хоолны зардлыг тодорхой хэмжээгээр нэмэгдүүлэх тогтоолыг баталсан.

Өмнө нь Ерөнхий боловсролын сургуулийн дотуур байранд амьдарч байгаа суралцагч 3000 төгрөгийн зардлаар өдрийн гурван удаа цай, хоол иддэг байсан. Үүнийг Боловсрол, шинжлэх ухааны сайдын 2023 оны батлагдсан төсвийн хүрээнд 1300 төгрөгөөр нэмэгдүүлэн 4300 төгрөг болгожээ.

2022-2023 оны хичээлийн жилд

• Мэргэжлийн болон техникийн боловсролын сургалтын байгууллагын 55 дотуур байранд 14-18 насны нийт 3942 хүүхэд
   
• Ерөнхий боловсролын сургуулийн 523 дотуур байранд 6-18 насны 35077 хүүхэд амьдарч байна.