Эрүүл мэндийн яамнаас Замын-Үүд-Эрээнийг зорьж буй иргэдэд зориулсан ЗӨВЛӨМЖ гаргав

Эрээн-Замын үүдийэ зорчих хөдөлгөөнийг маргаашнаас /2023.01.08/ эхлэн нээхтэй холбоотойгоор Эрүүл мэндийн яамнаас дараах зөвлөмжийг гаргасан байна. Үүнд: 

1. Онцын шаардлагагүй бол халдварын тархалт өндөртэй улс оронд зорчихгүй байх;
2. Дотоод орчин, нийтийн тээврийн хэрэгсэл, олон хүн цугларсан газарт амны хаалт заавал зүүж, 2 цаг тутамд солих;
3. Гараа бохирдсон тухай бүр савандаж угаах, эсвэл гар халдваргүйжүүлэгч ашиглах;
4. Хүн хоорондын зай барих;
5. Коронавируст халдвар (Ковид-19)-аар өвдсөн болон дархлаажуулалтад хамрагдснаас хойш 6 сар өнгөрсөн бол дархлаа сэргээх тунд хамрагдах;
6. Хуурай ханиалгах, хоолой өвдөх, хоолой сэрвэгнэх зэрэг шинж тэмдэг илэрсэн тохиолдолд бусдаас өөрийгөө тусгаарлан амны хаалт тогтмол зүүх, эрүүл мэндийн байгууллагад хандах;
7. Ханиах, найтаах зэрэг халдварын шинж тэмдэгтэй хүнээс зай барих;
8. Нэг тавагнаас олноор иддэг хоолноос татгалзах;
9. Хил хяналтын байгууллагын тавьсан шаардлага, эрүүл мэндийн байгууллагын зөвлөмжийг дагаж мөрдөх;

Замын-Үүд-Эрээний чиглэлд зорчих хөдөлгөөн хийж буй иргэд та бүхэн дээрх зөвлөмжтэй сайтар танилцан, өөрийн болоод бусдын эрүүл мэндийн төлөө хариуцлагатай байна уу.