Болгар дахь монгол оюутнууд үндэсний хоолоо “гайхуулав”

Болгар Улсын Благоевград хотноо байрладаг Америкийн их сургуульд суралцаж буй 10 гаруй орны оюутнуудын дунд үндэсний хоолны өдөрлөг зохион байгуулагдаж, оюутнууд өөрийн орны үндэсний хоолны онцлог, хийх арга, түүхийн талаар товч танилцуулж, урлагийн үзүүлбэр үзүүлжээ.

Тус сургуульд  50 гаруй монгол оюутан суралцдаг бөгөөд Болгар Улсад суугаа Монгол Улсын ЭСЯ-наас оюутнуудтай хамтран монгол ахуй, соёл, бэлэг дурсгалын холбогдолтой зүйлсээр үзэсгэлэн гаргаж үзүүлсэн байна.

Мөн оюутнууд орчин цагийн Монгол Улсын эдийн засаг, нийгмийн хөгжил, бүтээн байгуулалтын талаар товч мэдээлэл хийж, өөрсдөө хийж бэлтгэсэн хийсэн үндэсний хоолны амталгаа зохион байгуулжээ.