“Монгол туургатан” театр актлуулсан барилгад үйл ажиллагаа явуулж байна

Төв аймгийн “Монгол Туургатан” театрын захирал Д.Хишигбаяр үйл ажилагаа явуулахад бэрхшээлтэй байгаагаа ярьлаа. Түүний хэлж байгаагаар  “Монгол туургатан” театрын  барилга 1952 онд анх ашиглалтад орсон бөгөөд  2006 онд уг театрын барилгыг акталсан байна. Гэвч өөр барилгагүй тул уран  бүтээлчид өмөрч унасан шал, таазтай театртаа уран бүтээлээ туурвисаар байгаа юм байна. Уран бүтээлчдийн хувьд цалин бага, тоглолт хийх гэхээр Улаанбаатартай ойрхон учир нутгийн иргэд үздэггүй. Тоглолт хийлээ гэхэд тасалбарын үнэ хямд байх шаардлагатай болдог гээд бэрхшээл олон байгаа ажээ.

А.Баярмаа