Өнөөдөр шинийн арван тавны билэгт сайн өдөр тохиож байна

Өнөөдөр хаврын тэргүүн сарын шинийн арван тавны билэгт сайн өдөр тохиож байна. Бурхан багш 2500 жилийн өм­нө хүн төрөлхтнийг зовлонгоос гэтэлгэх, зовлонгийн үндэс шалт­гаа­ныг олохын тулд зургаан жи­лийн турш даяан хийн бясалгаж гэгээрлийн хутгийг олсон гэдэг. Бурхны номыг ёсоор нь бүтээ­вэл энэ болон хойт насны санасан хэрэг сэтгэлчлэн бүтдэг нигууртай хэмээдэг. Монголчууд бид бурхны ном сургаалд сүсэглэх, түүнийг гэр орондоо залж хүндлэн тахих, маани мэгзэм тэргүүтнийг унших, хурал номын газар ном айлдуулж буян хурааж ирсэн эртний заншил, дэг жаягтай ард түмэн. Жилийнхээ засал цээрийг шинийн 15-ны до­тор хийвээс ашид буян арвантаа арвижин дэлгэрдэг жам­тай гэж бурхны номд үздэг аж.