Д.Нямхүү: 31 хүнд шинжилгээ хийхэд коронавирус илрээгүй

Э.Мөнхжин | Zindaa.mn
2020 оны 05 сарын 31

Эрүүл мэндийн яамнаас коронавирустэй холбоотой цаг үеийн мэдээлэл хийлээ. /2020.05.31/

ХӨСҮТ-ийн ерөнхий захирал Д.Нямхүү хэлэхдээ ХӨСҮТ-ийн лаборатори, Дархан-Уул аймгийн лабораторид нийт 31 шинжилгээ хийхэд, бүх шинжилгээнд вирус илрээгүй гэлээ.

Тодруулбал, тандалтын зорилгоор хоёр сорьц, Алтанбулагийн хилээр орж ирсэн ачаа тээврийн 28 жолооч, Сэлэнгэ аймагт тусгаарлагдсан нэг иргэнээс шинжилгээ авахад коронавирус илрээгүй байна.

Монгол Улсад нийт батлагдсан тохиолдол 179 байгаагаас 44 хүн эдгэрч, тусгаарлалт хяналтын дараагийн шатанд шилжсэн. Өнөөдрийн байдлаар 135 хүн эмчлүүлж буйн 116-гийнх нь биеийн байдал хөнгөн байна гэлээ.

Халдвар авсан хүмүүсийн дунд жирэмсэн эмэгтэй гурав, элэгний хавдартай хүн нэг, сахарын өвчтэй нэг хүн байна гэв. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top