Нийслэлд 15 цагийн байдлаар 39.352 хүнийг дархлаажуулаад байна

Нийслэлийн хэмжээнд өнөөдрийн /2021.05.03/ 15:00 цагийн байдлаар 39.352 иргэнийг “Ковид-19” халдварын эсрэг дархлаажуулалтад хамруулаад байна. Дархлаажуулалтын суурин 111 цэг, явуулын /автобус/ 24 цэгт 319 багийн 2406 эмч, эмнэлгийн мэргэжилтэн ажиллаж I тунд 22.719, II тунд 16.633 иргэнийг дархлаажууллаа.

Эрүүл мэндийн яамнаас өнөөдөр өгсөн мэдээллээр өнгөрсөн 24 цагт Монгол Улсын хэмжээнд ковидын 911 шинэ тохиолдол бүртгэгдээд байгаа юм. Түүнчлэн халдвар нэмэгдэхтэй зэрэгцэн өвчин нь хүндэрч байгаа хүний тоо нэмэгдсээр байгаа. Иймд мэргэжлийн хүмүүс цар тахлыг даван туулах арга зам нь вакцин гэдгийг хэлж байгаа. Тиймээс иргэн та үүргээ ухамсарлаж, вакциндаа идэвхтэй хамрагдаарай.