ДОРНЫН ЗУРХАЙ: Бүтээл туурвил эхлэхэд ӨЛЗИЙТЭЙ сайн

Аргын тооллын 3 сарын 30, Бархасвадь гараг. Билгийн тооллын 9

ХАВРЫН ДУНД ХӨХӨГЧИН ТУУЛАЙ САРЫН НАЙМАН ЦАГААН МЭНГЭТЭЙ, УЛААГЧИН ГАХАЙ ӨДӨР

• Үс засуулвал: Өвчин өчүүхэн ирнэ.
• Наран ургах, шингэх: 06.36-19.18
• Барилдлага: Хотол чуулган   
• Шүтэн барилдлага: Төрөхүй   
• Суудал: Огторгуй

Аргын тооллын 3 сарын 30, Бархасвадь гараг. Билгийн тооллын 9, Өглөгт охин одтой, улаагчин гахай өдөр. Энэ өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, сан тавиулах, угаал үйлдэх, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу.

Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.