ӨГЛӨӨНИЙ МЭНД!
Өнөөдөр 2023.06.15. Билгийн тооллын 27. Монгол эх оронд маань нар 04 цаг 52 минутад мандлаа, 20 цаг 53 минутад жаргана.
Улаанбаатар хотод үүлшинэ. Өдөртөө 24 хэм, шөнөдөө 11 хэм. Та хувцсаа тохируулж өмсөөд гараарай.
Өнөөдөр Дэлхийн салхины өдөр. Коста Рикад энэ өдөр мод суулгах өдөр бол Италид Инженерийн, Их Британид Үндэсний шар айргийн, Азербайжанд Үндэсний авралын, Киргизэд Гал түймэртэй тэмцэх албаны ажилтнуудын өдөр.
Өнөөдөр Америкийн жүжигчин, найруулагч, Оскар болон Алтан бөмбөрцөгийн шагналт Хелен Хант, жүжигчин Кортни Кокс, жүжигчин, рэпер О’Ши Жексон буюу Айс Кьюб, жүжигчин Кен Жонг, Нил Патрик Харрис, Германы хөлбөмбөгийн хаалгач Оливер Кан, Египетийн хөлбөмбөгч Мохамед Салах зэрэг алдартны төрсөн өдөр.
Энэ өдөр дэлхий дахинд болсон онцлох үйл явдлууд:
1924 оны энэ өдөр “Форд” 10 сая дахь автомашинаа бүтээжээ.
1932 оны энэ өдөр Болив, Парагвай улсын дунд дайн эхэлжээ.
1950 оны энэ өдөр Баруун Герман Европын Зөвлөлийн гишүүн болсон байна.
1956 оны энэ өдөр Жон Леннон, Пол Маккартни нар анх удаагаа уулзжээ.
1999 оны энэ өдөр Бельгид “Кока-Кола” ундааг химийн найрлагаас нь болж худалдаалахыг хориглож байв.
2001 оны энэ өдөр Шанхайн хамтын ажиллагааны байгууллага байгуулагджээ. Хятад, Орос, Казахстан, Тажикистан, Киргиз болон Узбекистан улсын удирдлагууд ШХАБ-ыг үүсгэн байгуулсан билээ.
2008 оны энэ өдөр Севастопольд хатан хаан II Екатеринагийн хөшөөний нээлт болжээ.
Энэ өдөр үс засуулвал Өлзийтэй сайн.
Эл өдөр хулгана, бич жилтнээ аливаа үйлийг хийхэд эерэг сайн бол үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын авшиг авах, шинэ гэр ба байр авах, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Харин гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай.
Хол газар явах бол хойш мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )