Хогны машинд ачиж явсан махыг УСТГАЛД ОРУУЛЖЭЭ

Орхон аймгийн Мал эмнэлгийн газраас олон нийтийн сүлжээнд нийтлэгдсэн хог тээврийн зориулалтын машинаар мах тээвэрлэсэн иргэнийг олж арга хэмжээ авчээ.

Тодруулбал, аймгийн Цагдаагийн газартай хамтран төлөвлөгөөт бус хяналт шалгалт явуулсан байна.

Шалгалтаар тус тээврийн хэрэгслээр зөөвөрлөсөн мах нь хүнсний аюулгүй байдал алдагдсан, хадгалалтын нөхцөл зөрчигдсөн, гадны бохирдолд өртсөн учраас хүнсэнд хэрэглэх боломжгүй гэж үзэн холбогдох журмын дагуу зориулалтын цэгт устгалд оруулжээ.