Шоучин бэр буюу “Sound of kiss”-ийн Золоо

УДЭТ-ын залуу жүжигчин Б.Тамирыг ихэнх хүмүүс гавьяат жүжигчин С.Сарантуяа, Соёлын тэргүүний ажилтан, жүжигчин Д.Бат-Өлзий хоёрын бага хүү гэдгээр нь мэддэг. Харин авьяаслаг залуугийн эхнэр нь “Sound of kiss” хамтлагийн дуучин, “Шүрэн бугуйвч”,  “Амьдралд тавтай морил” киноны гол дүрд тоглосон Н.Золжаргал юм.

Дуулах, жүжиглэх авьяастай энэ бүсгүй найз нөхөдтэйгээ уулзан шоу цэнгүүнд оролцох үедээ хэн нэгний зөвшөөрлийг авах дургүй гэсэн бөгөөд хадмуудаасаа хүртэл эмээж үзээгүй гэнэ лээ. Хамтлагийнхаа охидыг дагуулан жүжигчин нөхрөө хүртэл шоунд уруу татдаг байсан Золоог найзууд нь “Шоучин бэр” хэмээн егөөдөж нэрлэсэн гэдэг. Харин хамтлаг байгуулан, киноноос гадна рекламанд тоглож олны танил болсон царайлаг, басхүү эрх дураараа зантай шоучин бэрийн адал явдал үүгээр дууссангүй. Амрагийн асуудлаас үүдэн нөхрөөсөө салж, ганц бие амьдралыг сонгосон гэх яриа ч түүнийг тойроогүй. Нүүрнийхээ талыг нь шахуу халхалсан содон загварын нүдний шил зүүж, түүгээрээ имиж хийдэг энэ бүсгүй эротик жүжигт нүцгэлж байгаа сурагтай. Хамтлаг нь тарсан болохоор дуулах хүслээ ч бараг мартсан гэнэ лээ.

С.Цахиур