Налайхын уурхайд хоёр хүн амиа алдлаа

Өчигдөр орой Налайх дүүргийн III хорооны нутагт үйл ажиллагаа явуулдаг “Таван шүтээн” ХХК-ийн нүүрсний уурхайд осол гарлаа. Уурхайн аманд нуралт болж гурван уурхайчин дарагдан, хоёр нь нас барсан байна. Уул уурхайн аврах ангийн 35 албан хаагч, дөрвөн техник хэрэгсэлтэйгээр ажиллаж 30 настай А гэгч эрэгтэйг эсэн мэнд гаргаж дүүргийн эмнэлэгт хүргэсэн бол, иргэн 26-н настай эрэгтэй Д, 30-н настай эрэгтэй Ц нарын цогцсыг гаргаж авсан байна.