[ӨГЛӨӨГ ӨӨРТӨӨ] Үсээ өдөр бүр угаахын сөрөг нөлөө

2019 оны 11 сарын 18

Бид үсээ өдөр бүр угаахгүй бол санаа амардаггүй. Тэгвэл мэргэжилтнүүдийн зөвлөж байгаагаар үсээ өдөр бүр угаах нь маш их сөрөг нөлөөтэй аж. Дараах шалтгааныг мэдсэнээр үсээ өдөр бүр угаахаа зогсоохоос өөр аргагүй болно.

Өдөр бүр угаасан үсний хуйхны өөрийнх нь тослог байхгүй болно. Таны үс гялалзсан, эрүүл бус байгаагийн шалтгаан ердөө л энэ.

Үсээ угаагаад хатаах гэж сэнсдэх хэрэгтэй болно. Бас гадуур гарахдаа индүүдэж, ороох шаардлага гардаг байх. Энэ нь бидний үсийг гэмтээдэг. Маш хуурай болгоно.

Эдийн засгийн талаас ярих юм бол сайн чанарын шампунь, тэжээлийн тос, уураг, ангижруулагч зэрэг нь тийм ч хямд биш. Эдгээрийн өдөр бүрийн хэрэглээ нь танаас санхүү шаардана.

Үсийг шампуньдах бүрт гадна талын хэсэг нь нээгддэг. Үсний өнгийг хадгалдаг энэхүү хэсэг нь өдөр бүрийн угаалтыг даахгүй. Таны үсний гялалзсан өнгө алдагдана.

Үсээ хоёр хоноод угааж байхад болно. Ингэснээр хэлбэрт оруулж, ороосон үс суларч унахаа болино. Үс бага зэргийн тослог байхад хэлбэр нь удаан хадгалагддаг.

Үсээ өдөр болгон угаахгүй бол тослогтдог гэдэг нь худал. Харин бидний үс арчилгааны бүтээгдэхүүнүүдээс болж тослогтдог аж. Ангижруулагч, шампунь, тэжээлийн тос, маск зэрэг нь үүнд “буруутай”.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top