Малайзад хохирсон Монгол иргэдийг авчрах асуудлыг ШИЙДВЭРЛЭНЭ

Малайз улсад монгол иргэдийн эрх ашиг хохирсон, хүний наймааны хохирогч болсон гэх  мэдээллүүд хэвлэлээр өнгөрсөн хугацаанд гарсан. Тэгвэл Гадаад харилцааны яамны Консулын газрын дарга Л.Мөнхтүшиг хэлэхдээ "Хэвлэлээр мэдээлэгдсэн хоёр иргэнээс гадна гурван иргэн хохирогч болсон байж болзошгүй" гэлээ.  

Түүнчлэн Малайзад хохирогч болсон иргэдэд Бангкок дахь Элчин сайдын яам, Малайзад байгаа өргөмжит Консулын зүгээс анхаарал тавин ажиллаж, үнэ төлбөргүй өмгөөллийн үйлчилгээ олж өгөөд байгаа гэв.

Цаашлаад тэдгээр иргэдийг татан авах зардал, тусгаарлах байрны төлбөрийг олон улсын төрийн бус байгууллагуудтай хамтран шийдвэрлэнэ гэв.