Сөүл-Улаанбаатарын нислэгээр ирсэн 18 настай эрэгтэйгээс КОРОНАВИРУС илэрлээ

Э.Мөнхжин | Zindaa.mn
2020 оны 07 сарын 17

 

Эрүүл мэндийн яамнаас коронавирусний халдварын нөхцөл байдлын талаар өнөөдрийн ээлжит мэдээллээ хийж байна. /2020.07.17/

ХӨСҮТ-ийн ерөнхий захирал Д.Нямхүү хэлэхдээ  “Өчигдөр 438  хүнээс сорьц авч шинжлэхэд короновирусний халдвар 437 хүний шинжилгээнээс  илрээгүй. Харин долоодугаар сарын 15-нд  Сөүл-Улаанбаатарын онгоцоор ирсэн 240 хүний сорьцонд шинжилгээ хийхэд 18 настай эрэгтэйгээс халдвар илэрлээ.

Өнөөдөр ХӨСҮТ-ээс хоёр хүн эдгэрэн гарч, дараагийн шатны эмнэлэгт шилжлээ.

58 настай эрэгтэй  42 хоног, 59 настай эрэгтэй  30 хоног эмчлэгдэж эдгэрлээ.  

Монгол Улсад нийт бүртгэгдсэн  тохиолдол 262 болсноос 211 хүн  эдгэрсэн.  51 хүн эмчилгээнд байгаагаас нэг хүний биеийн байдал хүндэвтэр байна. Нэг жирэмсэн эмэгтэй эмчилгээнд байна гэв.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Su ah (202.179.26.148)  2020 оны 07 сарын 17

Монголд коронавирус зөөвөрлөглөн ирсэн гунигт түүх хөвөрсөөр.

0  |  0
Иргэн (49.164.76.210)  2020 оны 07 сарын 17

Солонгосоос уимуу дамжин өнгөрөх уимуу тодорхой яриачээ

0  |  0
Top