Нутаг буцаж чадахгүй байгаа монгол иргэдэд туслалцаа үзүүлэхийг Туркийн Ерөнхий сайдаас хүсэв
Бүгд Найрамдах Турк Улсын Гадаад хэргийн сайд Мевлүт Чавушолу Гадаад харилцааны сайд Н.Энхтайвантай утсаар ярьж, Гадаад харилцааны сайдын албанд томилогдсонд нь баяр хүргэв.
Тэрбээр Монгол, Туркийн харилцаа, хамтын ажиллагаа өргөжин хөгжиж буйг тэмдэглээд, цаашид хоёр талын худалдааны хэмжээг нэмэгдүүлэхийн чухлыг онцоллоо.
Гадаад харилцааны сайд Н.Энхтайван хоёр талын харилцаа, хамтын ажиллагааны өнөөгийн түвшинд сэтгэл хангалуун буйгаа илэрхийлээд дэлхий нийтээр тархаад буй шинэ коронавируст цар тахлын хөл хорионы улмаас нутаг буцах боломжгүй болсон Турк Улсад буй монгол иргэдэд Бүгд Найрамдах Турк Улсын Засгийн газраас шаардлагатай туслалцаа, дэмжлэг үзүүлэхийг хүссэн байна.
Сайд нар эдийн засгийн хамтын ажиллагааг идэвхжүүлэх, худалдаа, хөрөнгө оруулалтыг нэмэгдүүлэх, тэр дундаа хөдөө аж ахуйн боловсруулах үйлдвэрийг хөгжүүлэх чиглэлээр хамтарч ажиллахаар санал солилцон эдгээр асуудлыг Монгол, Туркийн Засгийн газар хоорондын хамтарсан хорооны хуралдаан, Гадаад харилцааны яамд хоорондын зөвлөлдөх уулзалтын үеэр хэлэлцэхээр тохирчээ.
Эх сурвалж: Гадаад Харилцааны Яам
Холбоотой мэдээ
Сэтгэгдэл ( 1 )
ichig ichig ichig... oor yu geh ve. -Tuslaya l da harin, turkiin irgenii teevriin ongots yavuulaya tanai humuusiig achaad ain? -oooo yahiim be, odoohondoo hereggui, manai humuus naana chin tur baig l de tegehu? kkk. Tanaih unegui hurgej ogch tusalbal bid huleej avaya irgedee tegehu l de? ee tegehu? bid nar chin yaduu tarchig, orovdoltei uls oron shuu de, oilgoj baigaa bizde? yaduuuu yaduu yaduu, uul ni 100 togrog tosovlodog yum, daanch terendee 50 togrogiin l yum avdag, hedhen huviin hevshliin gart orchihgdog, ted nar hairan yum ni olson mongooroo gadaadad zugaalaad, tom mashin avaad bn