Хөл хорионы үед илэрсэн 6966 тохиолдол АН-ын хурлаас голомтолсон уу!

Ковидын халдвар хөл хорьсон сүүлийн долоо хоногт эрс нэмэгдэж, өдөрт 700-1340 хүрсэнд олон хүн гайхаж эргэлзэж буй. Гэтэл энэ нь халдварын нууц үедээ байсан тохиолдлууд, ойрын хавьтагчдаас нь 5-7 хоногийн дараа илэрч буйтай холбоотой аж.

ЭМЯ-ны албан ёсны мэдээллээс харахад хөл хорио эхэлсэн дөрөвдүгээр сарын 10-наас хойш буюу өнгөрсөн 7 хоногийн даваа гаригаас хойш өнөөдрийг хүртэлх 7 хоногийн хугацаанд нийт 6966 халдвар илэрчээ.

Зөвхөн энэ долоо хоногт 22 хүн ковидын улмаас нас барлаа. Ковидын халдвар дөрөвдүгээр сард гэнэт ийнхүү эрс нэмэгдсэнийг мэргэжилтнүүд судалж, сүүлийн 15 хоногийн хугацаанд болсон томоохон арга хэмжээнүүдэд анализ судалгаа хийн, голомтыг нь судлахыг оролджээ.

Энэ судалгаагаар

Дөрөвдүгээр сарын 03-ны өдөр "Дүнжингарав" захын хашаанд болсон 1200 хүн оролцсон гэх АН-ын их хурлын арга хэмжээ ковид эрс нэмэгдэх голомт болсон байж болзошгүй байна. Учир нь үүнээс хойш 5-7 хоногийн дараанаас халдварын тоо эрс өссөнийг ЭМЯ -ны мэдээллээс харж болно.

Тухайн үед АН-ын их хуралд оролцохоор аймаг, орон нутгаас АН-ын гишүүд олноороо ирж, цугласан байдаг. Тэднийг PCR шинжилгээнд бүгдийг хамруулсан хэмээн тус хурлыг зохион байгуулагчид мэдэгдэж байсан. Гэвч хурлын өмнөх орой 2-3 хүнээс ковид илэрч, тусгаарлагдсан мэдээлэл хэвлэлүүдэд гарч, УОК-оос анхааруулга шаардлага хүргүүлсэн ч үл тоон, "Дүнжингарав"-ын хуралдаан болсон юм.
 

Энэ хурлаас хойш яг 5-6 хоногийн дараагаас ковид огцом өсч, дөрөвдүгээр сарын 10-ны бямба гаригаас "хатуу" хөл хорионд шилжсэн билээ.

Ковидгүй  "ногоон" бүс байсан аймаг, орон нутгуудад ч халдвар бүртгэгдэж, олон аймагт коронавирус эрс хурдтай тарсан нь АН-ын их хурлын төлөөлөгчид буцсантай таарч байгаа нь тохиолдлынх биш юм. Энэ бол улстөржүүлэх асуудал биш ч ковидын халдварын тархац үнэхээр АН-ын их хуралтай таарч эхэлжээ.

Олон нийтэд мэдэгдсэнээр олимпийн аварга Н.Түвшинбаяр  халдвар авсан гэх мэдээлэл тараад байгаа. Тэрбээр хэрэг гардаг өдөр АН-ын их хуралд оролцохоор ирсэн Булган аймгийн дарга нартай хамт байсан. Тиймээс Н.Түвшинбаяр аварга АН-ын хурлын төлөөлөгчдөөс илэрсэн голомтоос халдвар авсан байх өндөр магадлалтай байгаа аж.