Коронавируст халдварын 889 шинэ тохиолдол бүртгэгдлээ

Эрүүл мэндийн яамнаас коронавирусний халдварын нөхцөл байдлын талаарх өнөөдрийн ээлжит мэдээллийг хүргэж байна.

(2021.04.19)

Өнгөрсөн 24 цагт 12384 хүнээс шинжилгээ авахад 889 хүнээс шинээр халдвар батлагдаж, нийт батлагдсан тохиолдол 22884 боллоо.

Мөн хугацаанд эмнэлэг болон гэрийн ажиглалтаас 524 хүн эдгэрч, нийт эдгэрсэн хүний тоо 12401 болоод байна.

Өнгөрсөн 24 цагт ковид-19 өвчний хүндрэлийн улмаас таван хүн нас барж, нас баралт 49 боллоо.

Нар барсан хүмүүсийн тухай товч мэдээлэл
 

• 75 настай эмэгтэй- Дөрөвдүгээр сарын 11-нд онош нь батлагдаж, "Ачтан" эмнэлэгт хэвтэн эмчлүүлж байсан боловч коронавирусын хавсарсан хүнд хэлбэрийн өвчний улмаас нас барсан байна.
   
• 55 настай эмэгтэй- Завхан аймгийн Тосонцэнгэл суманд хэвтэн эмчлүүлж байгаад коронавируст халдварын нэн хүнд хэлбэрээр нас барсан байна.
   
• 34 настай эрэгтэй- БЗД-ийн 4-р хороонд амьдардаг. Дөрөвдүгээр сарын 15-нд халдвар авсан.
   
• 57 настай эрэгтэй-Гуравдугаар сарын 31-нд онош батлагдаж, Цэргийн төв эмнэлэгт эмчлүүлж байгаад коронавируст халдварын нэн хүнд хэлбэрээр нас барсан байна.
   
• 61 настай эрэгтэй- Дөрөвдүгээр сарын 16-нд онош нь батлагдан, ХӨСҮТ-д хэвтэн эмчлүүлж байгаад коронавируст халдварын нэн хүнд хэлбэрээр нас барсан байна.
   

Коронавируст халдварын улмаас Улаанбаатар хот болон 9 аймгийн эмнэлгүүдэд нийт 3366 хүн хэвтэн эмчлүүлж байгаагаас 2193 хүний бие хөнгөн байна. Харин 869 өвчтөн хүндэвтэр, 241 хүн хүнд байгаа бол биеийн байдал нь маш хүнд 63 хүн байна.

Гэрийн ажиглалт, тусгаарлалтад ковид-19 халдварын хөнгөн хэлбэртэй 4744 хүн байна.

Сүүлийн 24 цагийн хугацаанд бүртгэгдсэн тохиолдлуудын 767 нь Улаанбаатарт бүргэгдэж, нийслэлийн өвчлөл 19.643 боллоо. Харин орон нутагт 118 тохиолдол шинээр бүртгэгдэж, нийт 2667 тохиолдол боллоо.

НИЙСЛЭЛ БОЛОН ОРОН НУТАГТ БҮРТГЭГДСЭН ХАЛДВАР
(Сүүлийн 24 цагийн байдлаар)
 

• Улаанбаатар+767, (Нийт-19.643)
• Баян-Өлгийн +1, (Нийт-3)
• Увс+5, (Нийт-18)
• Ховд+18, (Нийт-180)
• Хөвсгөл+3, (Нийт-61)
• Завхан+2, (Нийт-21)
• Булган+1, (Нийт-73)
• Архангай+5, (Нийт-254)
• Баянхонгор+0, (Нийт-76)
• Өвөрхангай+4, (Нийт-187)
• Сэлэнгэ+4, (Нийт-353)
• Төв+29, (Нийт-523)
• Хэнтий+3, (Нийт-46)
• Чойр+0, (Нийт-32)
• Дундговь+1, (Нийт-29)
• Дорнод+0, (Нийт-15)
• Сүхбаатар+0, (Нийт-126)
• Дорноговь+0, (Нийт-59)

ШУУД ДАМЖУУЛАЛТ