Нийслэлд 38.851 хүн дархлаажуулалтад хамрагдаад байна

2021 оны 04 сарын 23
Нийслэлд өнөөдөр /2021.04.23/ коронаируст халдварын эсрэг вакцинжуулалтын хоёрдугаар тунг хийж эхэлсэн. Тэгвэл 16:00 цагийн байдлаар, нийт 38.851 хүн дархлаажуулалтад хамрагдаад байгаа талаар Нийслэлийн Эрүүл мэндийн газраас мэдээллээ.
 
Нийслэлийн хэмжээнд 2021 оны 04 дүгээр сарын 23-ны өдрийн 16:00 цагийн байдлаар, коронавируст “Ковид-19” халдварын эсрэг дархлаажуулалтад нийт 38.851 хүн хамрагдаад байна.
 
Дархлаажуулалтын суурин 120 цэг, явуулын 40 цэгт вакцины нэгдүгээр тунг 1518 хүн хамрагдсан бол вакцины хоёрдугаар тунг 37.333 хүнд хийсэн байна.
 
Вакцинд хэзээ, хаана хамрагдах талаарх мэдээллийг харъяа хороо, Өрхийн эрүүл мэндийн төвөөс утсаар болон холбогдох мэдээллийн сувгаар хүргэх тул иргэд халдвар хамгааллын дэглэмээ баримтлан товлосон хугацаанд дархлаажуулалтад хамрагдах боломжтой юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top