“Хүүхэд залуусын суралцах, хөгжих эрх” сэдэвт уралдааныг зарлалаа

Арванхоёрдугаар сарын 10 буюу Олон улсын хүний эрхийн өдрийг тохиолдуулан хувийн хэвшлийн болон төрийн өмчит ерөнхий боловсролын дунд сургуульд суралцаж буй 5-8, 9-12 дугаар ангийн сурагч, их, дээд сургууль, коллеж, МСҮТ-д суралцаж буй өдрийн ангийн оюутан, хэвлэл мэдээллийн байгууллагад ажилладаг сэтгүүлч, хэвлэн нийтлэгч, чөлөөт уран бүтээлчдийн дунд “ХҮҮХЭД ЗАЛУУСЫН СУРАЛЦАХ, ХӨГЖИХ ЭРХ” сэдэвт уралдааныг зарлаж байна.

Уралдааны төрөл:

1. Гар зураг /5-8 анги/

2. Эссэ /9-12 анги/

3. Илтгэл /Өдрийн ангийн оюутнууд/

4. Мэтгэлцээн / Өдрийн ангийн оюутнууд/

5. Нийтлэл /Сэтгүүлч, нийтлэлчид/

Тус уралдаан нь хүүхэд, залуус өөрсдийн суралцах, хөгжих эрхийн хүрээнд чөлөөтэй бодож сэтгэх, өөрөө эсхүл бусдаар дамжуулан үзэл бодлоо чөлөөтэй илэрхийлэх, мэдээлэл хайх, хүлээн авах, гэр бүл, нийгмийн орчинд өөрийгөө хөгжүүлэх боломжийг олгох, олон нийтийн анхаарлыг хүүхдийн суралцах, хөгжих эрхэд тулгарч буй асуудалд хандуулах зорилготой.

Уралдааныг Нийгмийн ардчилал Монголын эмэгтэйчүүдийн холбоо, Хүний эрхийн дэвшилтэт бодлогын хүрээлэн, Стратеги Академи зэрэг байгууллагууд хамтран зохион байгуулж байгаа юм.