ӨГЛӨӨНИЙ МЭНД!
Өнөөдөр 2023.05.04. Билгийн тооллын 14. Монгол эх оронд маань нар 05 цаг 30 минутад мандлаа. 20 цаг 08 минутад жаргана.
Улаанбаатар хотод үүлшинэ. Өдөртөө 7 хэм, шөнөдөө 1 хэм. Та хувцсаа тохируулж өмсөөрэй.
Өнөөдөр Олон улсын гал сөнөөгчдийн баяр. Дэлхийн өгөх өдөр. БНХАУ-д өнөөдөр Залуучуудын өдөр, Латвид Тусгаар тогтнолоо сэргээсэн өдөр, Тонгад Угсаа залгамжлах хунтайжийн төрсөн өдөр, Японд Ногоон байгууламжийн өдрийг тэмдэглэж байна.
Энэ өдөр Египетийн Ерөнхийлөгч агсан Хосни Мубарак, Их Британийн “Оскарын” шагналт жүжигчин Одри Хэпберн, Испанийн хөлбөмбөгч, дэлхийн аварга Сеск Фабрегас, Филиппиний жүжигчин, загвар өмсөгч Андреа Торрес, Японы сүмоч Аби Масатора зэрэг алдартан хорвоод мэндэлжээ.
Өнөөдөр дэлхий дахинд болсон чухал үйл явдлууд:
1715 оны энэ өдөр Парис хотод анхны эвхдэг шүхрийг бүтээжээ.
1896 оны энэ өдөр Лондон хотноо “Daily Mail” сонины анхны дугаар гарав.
1904 оны энэ өдөр Хенри Ройс, Чарльз Роллс нар “Роллс-Ройс” нэртэй автомашины үйлдвэрлэлийг эхлүүлж байжээ.
1924 оны энэ өдөр Парис хотод Олимпын VIII их наадам нээлтээ хийв.
1927 оны энэ өдөр АНУ-д Кино урлагийн академи байгуулагдав. Тун удалгүй тус академи “Оскар” шагналыг бий болгожээ.
1979 оны энэ өдөр Маргарет Тетчер Их Британийн Ерөнхий сайд болсон анхны эмэгтэй болов.
1986 оны энэ өдөр Чернобылийн атомын цахилгаан станцыг тойрсон нүүлгэн шилжүүлэх бүсийг 30 км хүртэл нэмэгдүүлжээ.
2000 оны энэ өдөр “I love you” нэртэй вирус гарчээ.
Энэ өдөр үс засуулвал Эд мал арвидна.
Тухайн өдөр бар, морь жилтнээ аливаа үйлийг хийхэд эерэг сайн бол үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Харин эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай.
Хол газар явах бол хойш мөрөө гаргаарай.
Өнөөдрийн ажилд тань амжилт хүсье.
Холбоотой мэдээ
1.jpg)
Сэтгэгдэл ( 0 )