БЗД: Татрах эрсдэлтэй булаг, рашааныг хамгаалалтад авна

Баянзүрх дүүргийн хэмжээнд татрах эрсдэлтэй булаг, рашааныг хамгаалалтад авч, тохижуулах ажлыг ИТХ-аас санаачлан хэрэгжүүлэхээр боллоо.

Баянзүрх дүүргийн ИТХ-ын ээлжит бус XII хуралдаан боллоо. Хуралдаанаар таван асуудал хэлэлцсэн. Тухайлбал

1. Дүүргийн 2022 оны төсвийн гүйцэтгэл батлах тухай

2. Нийтлэг үйлчилгээний газар -1,2,3,4 ОНӨААТҮГ-ыг татан буулгах тухай

3. Энгийн хог хаягдлыг цуглуулж тээвэрлэх зардлын нэгж тариф батлах тухай

4. Дүүргийн 2023 оны газар зохион байгуулалтын төлөвлөгөөнд нэмэлт, өөрчлөлт оруулах тухай

5. Төрийн дээд шагналд уламжлах тухай зэрэг асуудлыг хэлэлцсэн. Эдгээр онцолбол Баянзүрх дүүргийн ИТХ-аас түүхэндээ анх удаа татрах эрсдэлтэй булаг, рашааныг орон нутгийн хэрэгцээ, хамгаалалтад авч тохижуулах санаачилгыг гаргаж баталлаа гэж Баянзүрх дүүргээс мэдээллээ.