Н.Учрал: Чингэлтэй, Сүхбаатар дүүрэг хотын хөгжлийн жишиг бүс болно

УИХ-ын 2024 оны ээлжит сонгуулийн 10-р тойрог буюу Сүхбаатар, Чингэлтэй дүүрэгт МАН-аас нэр дэвшигч НЯМ-ОСОРЫН УЧРАЛЫН сурталчилгааны ажил зургаа дахь өдрөө үргэлжилж байна.

Тэрээр нэр дэвшиж буй тойргийнхоо иргэд, сонгогчидтой хийх уулзалтынхаа үеэр "Аль нэг даргын үзэмж, сошлын хөөс, сэтгэлийн хөөрлөөр биш их өгөгдөл, ухаалаг технологи, шинжлэх ухаанч шийдлүүдээр иргэндээ ээлтэй, илүү ХУРДАН хотоо бүтээх иж бүрэн төлөвлөгөөг хэрэгжүүлнэ.

Та бид хэрхэн яаж амьдран суугаа Улаанбаатараа илүү ХУРДАН, иргэндээ ээлтэй болгох вэ? Хаана юунд зориулж хэдий хэмжээний газар олгох вэ? Зам, гэрлэн дохиогоо хэрхэн яаж ухаалаг зохицуулах вэ? Автомашиныг тэгш сондгой дугаараар нь ээлжлэн явуулсаар байх нь шийдэл үү, шийтгэл үү?

Энэ бүх асуултын хариултыг шинжлэх ухаан шийдсэн цагт ХУРДАН хотоо шинэчлэн байгуулна.

Биднийг дэмжиж, илүү хурдан хөгжихийн төлөө нэгдэж байгаа Чингэлтэй дүүргийн 3500 гаруй иргэддээ баярлалаа" гэлээ.